Reciting the Holy Quran at Prophet Mosque

Muslim-men-study-the-Koran-at-the-Sehitlik-Mosque-on-open-house-day-at-German-mosques-Getty-640x480رمضان المبارک کے مقدس ایام آتے ہی روضہ رسول صلی اللہ علیہ وسلم پرحاضری دینے والے عاشقان رسول کی تعداد بھی غیرمعمولی حد تک بڑھ جاتی ہے اور ہرطرف ماہ صیام کی ایمانی رونقیں جلوہ فگن ہوتی ہیں۔ حسب معمول امسال بھی مسجد نبوی میں ماہ صیام اورعاشقان رسول کی آمد نے مقام مقدس کے روحانی کیف و مستی کو چار چاند لگا دیے ہیں۔ اس پر مستزاد مسجد نبوی کی انتظامیہ کی قابل ستائش مساعی ہیں جس نے زائرین کے لیے سہولیات مہیا کرنے میں کوئی کسر باقی نہیں چھوڑی اور یہ ثابت کیا ہے کہ روضہ رسول کے میزبان دُنیا بھر سے آنے والے مہمانوں کی خدمت میں کس طرح جتے ہوئے ہیں۔

 ماہ صیام آتے ہی مسجد نبوی کی انتظامیہ کی مصروفیات بڑھ جاتی ہیں۔ جیسے جیسے روضہ رسول پرحاضری دینے والوں کی تعداد بڑھتی جاتی ہے۔ ایسے ہی انتظامیہ کی جانب سے حسن انتظام کا مظاہرہ دیکھنے کو ملتا ہے۔ مختلف زبانوں میں قرآن پاک کے تراجم، دینی اور اسلامی تاریخ کی کتب سے مسجد نبوی کی الماریاں بھرجاتی ہیں۔ العربیہ ڈاٹ نیٹ کے مطابق اس بار بھی مسجد کی انتظامیہ نے زائرین کی سہولت کے لیے اردو زبان سمیت 12 زبانوں میں قرآن پاک کے تراجم کا اہتمام کیا ہے۔ دیگر زبانوں میں فرانسیسی، انڈونیشین، ترکی، چینی، صومالی، ملیباری، تھائی، اسپانوی، بوسنیائی، البانوی اور ھوسا زبانوں میں بھی قرآن کریم کے تراجم موجود ہیں جن سے زائرین بھرپور استفادہ کررہے ہیں۔

 

 

 

 

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s